Siste nytt fra NRK Sápmi

– Politiiját dubmejit ja ráŋggáštit

Advokáhtta Trond Pedersen Biti cuiggoda Oarje-Finnmárkku politimeaštára.

Foto: Mette Ballovara/NRK

– Politiijat eai sáhte leat sihke duopmostuollu ja ráŋggášteaddjit boazodoalloriidoáššiin, cuiggoda advokáhtta.

Dan Robert Larsen
Berit Solveig Gaup

Publisert 23.02.2012 09:22.

Skriv ut
Del/tips

Giirenjárgga advokáhtta Trond Pedersen Biti lea orohaga ovddas čállán váiddareivve mas cuiggoda politimeštára mearrádusa guohtonrádjaáššis mas beannot vahku áigi sáhkkuhedje vihtta boazodoalli.

Ášši duogáš lei go Oarje-Finnmárkku politimeasttir ođđajagaimánu loahpageahčen bijai gaskaboddosaš guohtunráji guovtti orohaga gaskii Guovdageainnu Nuortajohtolagas.

Go dan nuppi orohaga boazodoallit eai jeagádan politimeaštára mearrádusa, de sáhkkohalle vihtta boazodoalli ovddit vahkku oktiibuot 100.000 ruvnnuin go eai leat jeagadan Oarje-Finnmárkku politiijameaštára mearrádusa.

Dál árvvoštallá Giirenjárgga orohat váidit politimeaštára dán áššis.

Áidna maid Oarje-Finnmárkku politimeašttir, Torbjørn Aas, hálida dadjat dán áššái, lea ahte ášši lea duopmostuolu duohken mearridit.

Maŋimuš Ártna áššit